Удмурт блогерлэн школаез Элькунысь ёросъёсын ужаны кутскиз

Школаын басьтэм тодон-валанъёссэс нылпиос удмурт кылын блог кылдытон ужазы кутозы
12-тӥ южтолэзе удмурт блогеръёслэн школаысьтызы ӧнерчос Балезино ёросысь Исак гуртэ потазы, ӵуказеяз, 13-тӥ южтолэзе, пумиськон ортчиз Пичи Пурга черкогуртын. Пиналъёсын ужаз тодмо блогер, «Инстаудмурточки» интернет-марафонэз радъясь Вера Трефилова, журналист Александр Бикузин, оператор, монтажёр Владислав Степанов.

Нунал ӵоже басьтэм тодон-валанъёссэс нылпиос уж вылын возьматоно луозы – видеоблог лэсьтыса.

Нош оштолэзе тужгес усто удмурт блоглы вожвылъяськон ялэмын луоз. Вормисьёсты данъялозы куартолэзе Ижкарысь Эшъяськон юртын.

Удмурт блогеръёслэн школазы эшшо кык ёросъёсын ужалоз. Матысез пумиськон ортчоз вуоно покчиарняе 19-тӥ южтолэзе Кез ёросысь Александрово гуртын.
Ужрадэ котькуд пыриськем нылпи басьтоз сертификат, тужгес усто авторъёс дипломъёсын но кузьымъёсын пусъемын луозы.