Выль йылол кылдӥз Шаркан ёросын

Туэ ӵошатсконэ 9 гуртысь (нылписадысь) нылъёс но пиос пыриськизы. Вить но куать арес гинэ ке но соослы, туж валаса, дӥсьтыса пото ини сцена вылэ.

Арлы быдэ шумпоттытэ соиз — пиналъёслэн диськутсы котьку удмурт шӧмо, чебер пужыосын дэремъёс но айшетъёс, кышетъёс но ызьыос.

«Пиналъёс туж сюлмаськыса, тыршыса возьматӥзы сцена вылын асьсэлэсь быгатонлыкъёссэс. Тужгес но устоесь дунъясьёслы адскизы Зар-Вишур гуртысь Платон Кожевников но Вероника Широбокова. Соос ик басьтӥзы Пичи Чеберай но Пичи Батыр нимъёсты», — гожтэ ВКонтакте вотэсбамаз «Удмурт кенеш» огазеяськонлэн Шаркан ёросысь ёзэтэныз кивалтӥсь Елена Перевозчикова.

Нош «Быгы» удмурт йӧскалык чеберлыкъя центрысь ӧнерчиос пиналъёслы аспӧртэмлыко праздник дасяллям. Валтӥсь геройёс сцена вылын пиналъёсты паймытыса возизы.