Ижкарын нош визьсынанъя финн-угор турнир ортчоз

Финн-угор калыкъёслэсь нуналъёссэс пусйыса, визьсынанъя “Шудком-ТодМа!” шудон ортчоз. Со “Шудком” клубез но “ТодМа!” турнирез огазеяса кылдытэмын.

Шудон ӟуч кылын мыноз. Отын финн-угор темалы сӥзем юанъёс сяна, аудиогожтэмъёс  чузъяськозы. Соосты кылзыса, ужрадэ пыриськисьёс выжы калыкъёслэсь крезьгуро произведениоссэс тодоно луозы.

Тодады вайытом, кылем арын Калыкъёслэн Эшъяськон юртазы нырысьсэ ортытэмын вал визьсынанъя «ТодМа!» финн-угор  шудон. Нырысетӥ турнираз 12 командаос пыриськизы. Вормисе потӥз пор егитъёслэн «Ужара» огазеськонзы.

Финн-угор калыкъёслэсь нуналзэс нырысьсэ 1929-тӥ арын толшоре  пусйизы Эстониын. 1931-тӥ арын финн-угор лулчеберетъя 4-тӥез Конгрессын Финляндиын но Венгриын сое пусъён сярысь кенешемын.

Со дырысен арлы быдэ коньывуонлэн куинетӥ арняезлэн пумаз та 3 финн-угор кунъёсын сиё-дано собраниос, лулчеберетъя ужрадъёс ортчыло. Россиысь финн-угор улосъёс соос борды 1991-тӥ арын итӥськизы.