Дом Дружбы народов

    Удмуртилэн кунлыкезлы 100 ар тырмон арез усьтон ужрадэз 2 сюрс 500-лэсь трос адями учкоз

    Удмуртилэн кунлыкезлы 100 ар тырмон арез усьтон ужрадэз 2 сюрс 500-лэсь трос адями учкоз 1

    Котырес лыдпуслы сӥзем ужрадъёсты Глазкарын юнме уг кутско, ӵапак со Вотка автоном улосвыллэн нырысетӥ шоркарез вал.

    Учкисьёс кык часъем «Удмуртия огазея!» («Удмуртия объединяет!») возьматонэз адӟозы. Солэсь пуштроссэ радъясьёс уг на шараяло. Кызьы тодмо, уноез крезьгур но литература материалъёс нимысьтыз та ужрадлы гожтӥсько. Возьматонын туала техника амалъёсты кутозы.

    Возьматонэ 400-лэсь трос адями пыриськоз. Ужрадэз учкыны элькунысь каръёсысь но ёросъёсысь ыстэм муртъёс, Дано кунмуртъёс, лулчеберетъя йӧскалык огазеяськонъёслэн но мукет огазеяськонъёслэн ёзчиоссы ӧтемын.

    Со сяна, куноосты но Глазкарын улӥсьёсты карысь пӧртэм мер интыосын концертъёс но шулдыръяськонъёс возьмало.

    Ватсалом, праздникез элькунын котькудӥз улӥсь адӟыны быгатоз, сое «Удмуртия» телеканаллэн меӵак эфираз но «Мынам Удмуртие» телерадиокоманилэн нимлыко сайтаз возьматозы. Ужрад 16 часын кутскоз.

    Тодэ вайытом, Удмуртилэн кунлыкезлы 100 ар тырмонлы элькунын удмурт кылэн герӟаськем вакчи шудон фильм кылдытыны малпало.

    https://udmurt.media/udm/news/obshchestvo/67467/