Калыкъёслэн эшъяськон юртазы форум-спектакльёс пуктон пумысен семинар ортчиз

Семирарез Москваысь экспертъёс Мехти Ализаде но Юлия Шевелёва кутскизы. 3 нунал ӵоже соос выжы калыкъёс куспын тупаса улонэз юнматон вылысь возьматонъёс дасялозы.

«Форум-театрлэн» аспӧртэмлыкез со бордын – со лэчыт мерлыко шуг-секытъёсын ужаны луонлык сётэ. Соин ӵош котькуд адями со пыр али дыре сюлмаськытӥсь ужпумъя ужаны быгатэ. Спекталез огшоры адямиос дасяло. Учкисьёс нош артист интые потыса асьсэлэсь югдур шоры учконзэс возьматыны быгато», — вера Юлия Шевелёва.

“Этнодесант” ӵектослэн валтӥсь малпанэз – дышетонъя занятиос ортчытон. Ужпумез – калыкъёс куспын ченгешонъёсты алон но егитъёс пӧлын этнокультурной компетентностез  ӝутон. Урокъёсты нуозы выжы калык огазеяськонъёслэн ёзчиоссы. Соос дышетон технологиос сярысь тодон-валан люкалозы. Огез амал  семинарын ӵектэм “форум-театр” но  дискуссиосъя  “Единство многообразия” площадка.

«Калык кусыпъёс пӧртэм сямен «ӟырданы» быгато. Югдурын пичи сюлмаськонъёс сяна, кужмо пумитъяськонъёс луыны быгато. «Форум-театрлэн» технологиез ӵапак со кусыпъёсты эскерыны, озьы ик анай-атай но нылпи кусыпъёсты, йыруж лэсьтонъёсты алон вылысь кутыны луоз», — пусйиз Юлия Шевелёва.

“Молодёжный этнокультурный десант” проектлэн мукет люкетаз команда элькунысь каръёсы но ёросъёсы поталоз. Отын ӧнерчиос школьникъёсын но студентъёсын пумиськылозы.