Пельгаос уло 70 гуртын

Пельгаосты  огинэ бичаны мылкыд кариз Ува ёросысь Чистостем гуртысь шаерчи, историк Евгений Эжбаев.

— Удмурт шаерын ог 70 воршудъёс, бадӟымез — пурга, соос ог 170 гуртъёсы пазьгиськемын, чабъяос 91 интыын уло, ӟумъяос — 86 гуртын. Пельгаос быдӟалызыя 5-тӥ интыын, соос 70 гуртэ выжыяськемын. Та выжылэн пусэз — пелёкучыран. Со визьмо, сэзь луэмез возьматэ. Пельгаос, М. Атаманов тодосчи пусъемъя, нырысь ик ошмесо шаере пыдзэс лёгизы. Соос сярысь гожтэмъёс вань 15-тӥ даурын. Та выжыос 16 ёросын пумиськыло, тросэтӥ уло Алнаш, Пичи Пурга, Грак, Можга, Ува, Вавож палъёсын, — вераз Е. Эжбаев.

Жужгесэ бичаськизы Кияса ёросысь Уддядиысь, Алнаш ёросысь Утчанысь, Вавож ёросысь Тыловыл-Пельгаысь но Волипельгаысь, Пичи Пурга ёросысь Кечолысь кырӟась-верась коллективъёс. Ваньзы соос одӥг пельга выжысь потэмын. Куноос пумиськонэ буш киын ӧз лыктэ: асэнызы тодматӥзы, аспал кырӟанъёссэс быдэстӥзы, гуртсылэн историеныз тодматӥзы.

Пумиськон туж шуныт ортчиз. Гуртоос тазьы огазе арлы быдэ бичаськыны кенешизы. Кайта доразы пумиськыны Уддядиос ӧтизы. Ми пельгаосын одӥг бадӟым семья шуыса шӧдӥмы, пе. Тусмыя, сяммыя, кырӟанъёсмыя пӧртэмесь ке но, одӥг выжыысь луэммы огазея, шуизы.

«Удмурт дунне» газетлэн материалэзъя.