Удмурт сюанэз возьматозы росси телеканалын
«Куинь нунал ӵоже Кучырангуртын лымшор удмурт сюанлэсь вань сям-йылолъёссэ чакласа съёмкаос ортчизы. Артистъёсмы вал Усо гуртысь Николай но Юлия Михайловъёслэн егит семьязы», — ивортэ Алексей Семёнов, Алнаш ёрослэн тӧроез.
Озьы ик съёмкаосы Улын Сырьезь гуртысь «Азвесь гырлы», Асангуртысь «Тугоко», Кучырангуртысь фольклор коллективъёс, ёросысь Лулчеберет юртын но Чеберлыко киужъёсъя юртын ужасьёс пыриськизы.
Нырысь-валысь чакланъёсъя, удмурт сюанэз «Мир» телеканалысь «Любовь без границ» передачаын коньывуонэ возьматозы.