«Ваче ки» карсьӧр лагерь смена ужа

«Ваче ки» — Ижкарысь Кузебай Герд нимо гимназилэн карсьӧр лагерь сменаез. Лагерь туэ 6-тӥзэ пиналъёсты люка. Азьвыл аръёсы гимназистъёс гинэ пыриськылӥзы ке, туэ мукет ёросъёсысь но лыктэмъёсыз вань.

Татчы люкаськемъёс котькыӵе удысъя асьэлы тунсыкозэ, пайдаёзэ шедьтыны быгатозы. Проект вордскем шаерлэн историезлы сӥземын: лулчеберет, йылолъёс, дано адямиос.

«Соос воршудъёсын тодматскизы, кызьы удмуртъёс та шаере вуизы, кытысь кылдӥзы каръёс — со туж тунсыко. «Удмуртия — олимпи чемпионъёслэн музъемзы» — сыӵе темая но вераським ни. Туннэ басьтэм тодон-валанъёс пиналъёслы азьланяз одно кулэ луозы», — шуэ «Ваче ки» проектлэн авторез, Кузебай Керд нимо гимназиен кивалтӥсьлэн воштӥсез  Татьяна Швецова.

Смена ӵоже этнологияя ӧрын пиналъёс асьсэлэсь выжы писпузэс кылдытозы.