Удмурт лагерьёслэн вакытсы кутске

Нырысь ик  Шудкар лагерь луоз. Со1-тӥ — 6-тӥ пӧсьтолэзе Дэри черкогуртын удмурт нылпиос понна радъяське. Отчы 7-тӥ — 11-тӥ классын дышетскисьёсты возьмало. Пуштросэз — волонтёръёсты дасян.

Озьы ик Тулкым лагерь котьку сямен аслэсьтыз ӧсъёссэ удмурт пиналъёслы усьтоз. Туэ со 8-тӥ  — 17-тӥ гудырикошконэ «Ёлочка» лагерьын радъяськоз.

Шундыкар лагере шедён понна 1-тӥ пӧсьтолэзьысен вожвылъяськон ялэмын луоз. Усточи удмурт пиналъёслы Шундыкар лагерь туэ 27-тӥ сменазэ радъялоз. Ортчоз со гудырикошкон пумын. Туэ 11 отрядъёс ужалозы.

Нош 1-тӥ — 10-тӥ гудырикошконэ Башкириысь Татышлы ёросын улосвылкуспо Усточикар лагерь ортчоз. Сменае пыриськись пиналъёс понна Шундыкарын сямен ик  трос ӧръёс ужалозы:  эстрада, журналистика, удмурт дӥсья дизайн, фольклор, суредаськон, кызьпу туйлэсь киужъёс лэсьтон. Нылпиос понна театр амалъя шудонъёс ортчытъялозы, сям-йылолъёсты, йӧскалык кырӟанъёсты, эктонъёсты дышетозы.

http://www.myudm.ru/