Гербер шулдыръяськон ортчытозы Санкт-Петербургын пӧсьтолэзе

Россилэн уйпал шоркараз улӥсьёс но куноос удмурт калыклэн йылолъёсыныз но аспӧртэмлыкеныз тодматскыны быгатозы. «Эктон возьвылын» эктыны дышетозы, «Зарни киос» азбарын — мониста, ибырвесь мунё лэсьтыны, кускерттон пуныны. Сцена вылэ Удмуртиысь, Башкортостанысь, Татарстанысь но Санкт-Петербургысь фольклор коллективъёс потозы.

Кызьы вераз шулдыръяськонэз пуктӥсь, «Италмас» удмурт бӧляклэн тӧроезлэн воштӥсез Дмитрий Корепанов, Санкт-Петербургын праздникез Москваын та дырозь ортчылэм «Гербер» фестивальлэсь пӧртэм радъяны малпало. Кунлэн шоркараз Удмуртилэн йӧскалык аспӧртэмлыкеныз сяна, солэн вань удысъёсын луонлыкъёсыныз тодматылӥзы, Нева дурын йӧскалык пуштросэз усьтозы.

«Милям ужпуммы – удмуртъёслэсь сяме пырем лулчеберетсэс возьматон. Петербургын Гербер ортчоз озьы ик, кызьы со со Удмуртиын ортчытӥське. Валамон, со сыӵе ик паськыт уз луы, но йӧскалык пуштросэз быдэсак кылёз. Ми лулчеберетъя ужрадмес сокем туала карыны ум тыршиське, вашкала йылолъёслы саклык висъяськомы», — вера Санкт-Петербургын Гербер шулдыръяськонэз пуктӥсь Дмитрий Корепанов.

Тодэ вайытом, Сант-Петербургын Гербер шулдыръяськонэз нырысьсэ кылем арын ортчытӥзы. Солы «Удмурт Кенеш» огазеяськонлэн Петербургысь но Ленинград улосвылысь ёзэтэз кичӧлтон сётӥз.

https://udmurt.media/udm/news/kultura-i-turizm/58921/