Кырӟан бусы, жингрес возьвыл, кунокуа: даслэсь трос площадкаос ужалозы элькун Герберын Удмуртиын

Туэ праздниклэн тодметэз черсон куболэн питранэз луэ. Со пыраклыкэз, улон ортчемез но выльдӥськонэз возьматэ кадь. Со сяна, Эгра палъёсысь но мукет интыосысь воршудъёслы саклык висъялозы.

Гербере Удмуртиысь, озьы ик Башкортостанысь, Татарстанысь, Марий Элысь, Пермь шаерысь, Киров, Свердловск улосвылъёсысь но мукет интыосысь удмуртъёслэн делегациоссы пыриськозы.

Сяме пырем шулдыръяськонын ӝук вӧсялозы, творчествоя коллективъёс возьматӥськозы, вожвылъяськонъёс радъяськозы.

Гербер праздниклэн радлыкез:

09.30-10.30 – куно пумитан;

10.00-16.00 – «Киуж ульча» — Удмуртиысь чеберлыко киужъёсъя центръёслэн но нимаз усточиослэн киужъёсынызы адӟытон-вузкарон;

— «Вузкароннни» — сиён-юонъёсын вузкарон;

11.00-12.00 – «Тӧршор» — валтӥсь сцена вылын Гербер шулдыръяськонэз сӥё-дано усьтон;

11.30-13.00 – «Мудор» — ӝукез вӧсян;

12.15-15.00 – «Кунокуа» — юри лэсьтэм азбаръёсын нуназеян;

— «Кырӟан бусы» — куно пумитан азбаръёс азьын творчествоя площадка;

12.15-16.00 – «Жингрес возьвыл» — Удмуртилэн ёросъёсысьтыз но Россилэн улсовылъёсысьтыз творчествоя коллективъёслэн возьматонъёссы;

— «Чебер Гербер» — удмурт шӧмо дӥськутэз адӟытон;

— «Шудон азбар» — нылпиослы но семьяослы шудонъёс;

— «Тазалык шудонъёс» — семьяос понна спортъя но шудонъя площадка: йӧскалык спорт, сяме пыӵам шудонъёс, вожвылъяськонъёс;

— «Ки валтӥсь» — йырси пунон, Удмуртиысь муниципал кылдытэтъёслэн тӧрооссы понна вожвылъяськон;

16:30 – нимлыко делегациосты келян

18.00-22.00 – «Шундэктон» — егитъёс понна удмурт эстрадаысь кырӟасьёсын шулдыръяськон.

https://udmurt.media/udm/news/kultura-i-turizm/58724/