Узы-борылы сӥзем фестиваль-вожвылъяськон ортчоз Сюмсиын
Калык понна «Бусьтыр ӝӧквыл», «Бакча сульдэр», «45 – баба ягодка опять!», тужгес усто такмаклы, нылпиослы тужгес усто емыш костюмлы вожвылъяськонъёс но трос мукетъёсыз радъяськозы.
Озьы ик интерактивной площадкаос ужалозы: киужъя мастер-классъёс, удмурт эктонъёс, «Эктӥсь емышъёс», мунё театр но трос мукетъёсыз. Ваньмаз ик площадкаосын фестивальлэсь уксёзэ – «коньдон» — басьтыны луоз. Бӧрысь сое синпельёсын лавкаын кыӵе ке вузлы воштыны яралоз.
Со сяна, фестиваль улсын ярмарка усьтӥськоз, отын емышъёсын но киужъёсын вузкарозы. Озьы ик емышъёслэсь пыжиськемез веръян, аттракционъёс, флешмоб радъяськозы, мотоблокъёсын, пыжъёсын ӵошатсконъёс но эктонъёс луозы.
Ужрад Сюмси черкогуртысь шор площадьын ортчоз. Кутсконэз 11 часын.