Сюрслэсь трос адями люкаськиз бесерманъёслэн «Кӧрбан» элькун шулдыръяськоназы Удмуртиын

Куноосты элькунысь йӧскалык политикая министр Лариса Буранова ӟечкылаз. Со 2020-тӥ арын Россиысь калыкез лыдъян-гожтон ортчоз шуыса вераз но бесерамнъёсты отчы мыло-кыдо пыриськыны куриз. 2010-тӥ арын ортчем ужрад дыръя асьсэдыз бесерманъёс пӧлы 2 сюрс 201 адями пыртӥз.

Туэ шулдыръяськонлэн темаез: «Историлэн питранэз: вашкалаысьтыз туннэ нуналэ». Куноослы бесерманъёслэсь улон-вылонзылэсь аспӧртэмлыксэ возьматӥзы. Озьы ик радъясьёс ваньзэс вӧсям ӝукен куноятӥзы.

Праздник концертэн но йӧскалык дӥськутъя вожвылъяськон-дефилеен йылпумъяськиз.

Тодэ вайытом, бесерманъёслэн элькун шулдыръяськонзы кык арлы одӥг пол радъяське, но ёрос праздникъёслы котькуд ар радъясько.

Ватсалом, удмуртъёслэн «Гербер» элькун шулдыръяськонзы Эгра ёросысь Нюнягурт (Малые Мазьги) вӧзын 29-тӥ инвожое ортчоз. 12-тӥ инвожое Ижкарын шулдыръяськон радъяськоз, отын пӧртэм ужъюртъёслэн но огазеяськонъёслэн азбаръёссы ужалозы.

https://udmurt.media/udm/news/kultura-i-turizm/57792/