“Еврейское счастье” проектэн тодматскон ортчиз Ижкар Музейын

Музей проект Росси еврей конгресслэсь грантсэ утӥз. Ӵектосэз кылдытӥзы музейын ужасьёс ӟеч уж лэсьтонъя “Хэсэд-Ариэль” фондэн ӵош. Со  XIX–XXI дауръёсы Ижкарысь еврей семьяослэсь улэм-вылэмзэс эскерыны чакламын.

Удмуртиын еврейёс Ижкар Завод кылдэм дырысен улыны кутскизы. Заводын “кантонист” нимаськисьёс тыршизы – со кужмысь ожгар службае кыскем быдэ вуымтэ еврейёс. Бӧрысь ини Ижкаре мукет удысъёсын ужась еврейёс вуизы – истори, лулчеберет но мукет.

Проектэн тодматскон 1 номеро крезьгуръя нылпи школаысь театръя “Дай пять!” студилэн спектакленыз кутскиз. Егит актёръёс Александр Галичлэн “Кадиш” поэмаезъя дасям постановказэс возьматӥзы. Спектакль поляк эмчиез но дышетӥсез Януш Корчакез буре ваёнлы сӥземын. Со интернатысь нылпиосын ӵош концлагерьын быдтэмын вал.

Спектакль бере люкаськемъёс азьын вераськизы Удмуртиысь еврей лулчеберетъя огазеяськонлэн кивалтӥсез Марк Гольдин но Ижкар Музейлэн кивалтӥсез Марина Рупасова. Соос проект бордын ужлэн радлыкенызы тодматӥзы.

Ӵектос улсын музейын ужасьёс матысь дыре еврей выжыысь тодмо адямиослэсь историзэс, семья историосты, сям-йылолъёсты возьматӥсь арбериосты, ужкагазъёсты люканы кусткозы. Йылпумъяса, «Еврейское счастье: локальный аспект» адӟытон дасялозы.