Дом Дружбы народов

    «Яратоно удмурт кыл» фестиваль ортчоз пӧсьтолэзе Удмуртиын

    «яратоно удмурт кыл» фестиваль ортчоз пӧсьтолэзе удмуртиын 1

    Ужрад улсын кык группа радъямын луоз: удмурт кылэз ӟеч тодӥсьёс но али дышетыны кутскисьёс. Таяз радэ фестивале 18 арессэс ортчем мылкыд карисьёсты ӧтё.

    Азьло аръёсын ӵошатыса, туэ тросгес спорт, экскурсиос, пыдын поръянъёс, удмурт кылъя тросгес урокъёс луозы. Удмурт кылэз дышетонлы, тросгес тодонлы бадӟымгес саклык висъяськоз.

    Урокъёсын видеосъёмка нуозы. Азьланяз сое интернетэ поттозы, озьы мукет адямиослы но удмурт кылэз дышетыны луонлык сётозы

    Кылэз ӟеч тодӥсьёс удмурт кылын контент кылдытон бордын ужалозы, нош али кутскисьёс видеоурокъёс дасянэ пыриськозы.

    Фестиваль улсын удмурт пӧрамъёсъя, дуриськонъя мастер-классъёс, тылскем дорын пуконъёс, шурын пыласькон, мунчо но трос мукет ужрадъёс ортчозы. Куноос кеносъёсын, палаткаосын улозы, быгатэмзыя кулэ карисьёслы кунокуаын инты шедьтозы. Нуналаз куинь пол сюдозы.

    Со сяна, ужрадэз радъясьёс фестивале волонтёръёсты но юрттӥсьёсты возьмало.

    Ужрадэ пыриськон яке юрттӥськись луон понна радъясьлы Евгения Лекомцевалы 89226831029 телефон номеръя яке sahara07@mail.ru электрон почта пыр вазиськоно.

    Нылпиосын семьяос понна «Яратоно удмурт кыл» фестивалез вуоно арын ортчытыны малпало

    Тодэ вайытом, кылем арын гужем фестивале пыриськисьёс кык мультфильмез но тодосъя документальной фильмез удмурт кылэ берыктӥзы.

    https://udmurt.media/udm/news/obrazovanie-i-nauka/56440/