Удмуртъёслэн пусъёссы сярысь книга Россиысь устоосыз книгаос пӧлын

Книга 2 валтӥсь статьослэсь кылдытэмын. Нырысетӥез 19-тӥ даурысь Пётр Сорокин статистлэн лыдъям-чотамъёсыз. Удмурт гуртъёсысь со капка, тӥрлык бордысь пусъёсты гожъяса кельтэм. Котькуд выжылэн, воршудлэн аслаз тамгаез вылэм.

«Со пус атаез бордысь пиез борды, пиезлэн пиез борды, атезлэн 2-3 пиосыз ке, со пиосыз борды выже вылэм. Отчы котькудзы асьсэлэсь гожзэс пукто вылэм. Со сыӵе 19-тӥ даурысь удмуртъёслэн паспортсы- а мар-а шуод», — вера «Удмуртия» издательствоысь валтӥсь редактор Георгий Грязев.

Вожвылъяськонэ Россиысь 150-лэсь трос издательствоослэн 1 сюрслэсь трос книгаоссы пыро. Йылпумъянъёс инвожое  «Красная площадь» фестивальын лэсьтэмын луозы.