Ӝыт пуконъёс

14 февраля 2018 г.


Камбарка ёросысь Кама черкогуртысь покчиос понна интыысь лыдӟиськонниын, лулчеберетъя юртын ужасьёс «Аулак ой» ужрад ортчытӥзы.

«Родной язык, тебя я берегу» акци анай кылъёслэн калыккуспо нуналзылы сӥземын вал. Со улсын ӧнерчиос нылпиосты бигеръёслэн улэм-вылэменызы тодматӥзы. Вашкалы дыръя бигер ӝыт пуконъёсын-посиделкаосын кадь ик нылпиос доры выжыкыл геройёс вуылӥзы, «Йозык» («Колечко»), «Куз байлаш» («Жмурки») но «Пардэ шедьты» шудонъёсын шудӥзы.

Озьы ик ужрадын нылпиос понна «Мон вераськисько бигер кылын» мастер-класс ортчытэмын вал, нош бигер лэчыт веранъёсты, мадиськонъёсты тодонъя вожвылъяськонъёс. Ӝыт пуконъёс йылпумъяськизы шулдыр бигер кырӟанъёсын.

Нош Калыкъёслэн Эшъяськон юртсы анай кылъёслэн калыккуспо нуналзылы ялэм марафонзэ азьланьтэ — калыккуспо нуналлы сӥзем ортчытэм ужрадъёс сярысь ивортонъёсты люка. Вералэ ужрадъёс сярысь марафонлэн хэштэгъёсыз улын: #роднойязык18#удмуртия#домдружбы