Дом Дружбы народов /
  • Иворъёс
  • Удмуртиысь Ышем гуртъёслэн музейзы «Воштӥськись дуннеын воштӥськись музей» программалэн одӥгез устоез ӵектосэз луиз
  • Удмуртиысь Ышем гуртъёслэн музейзы «Воштӥськись дуннеын воштӥськись музей» программалэн одӥгез устоез ӵектосэз луиз

    6 февраля 2018 г.


    Эгра ёросысь Сеп гуртысь «Ышем гуртъёслэн калык музейзы» ӵектос «Воштӥськись дуннеын воштӥськись музей» программалэн 2016-тӥ арын быдэстэм ӵектосъёсыз пӧлысь одӥгез устоез луиз. Ваньмыз куать вормисьёс быръемын. Со сярысь ивортэ Владимир Потанинлэн ӟечлэсьтонъя фондэз, кудӥзлэн коньдонэныз быдэстэмын та но мукет ӵектосъёс.

    Татын историез но улон-вылонэз возьматӥсь музее адӟытонъёсты радъянъя туала технологиос пыртэмын, со сяна, сое кылдытонэ огшоры калык но пыриське, пусъемын ивортонын.

    Тодэ вайытом, «Ышем гуртъёслэн калык музейзы» 23-тӥ куарусёнэ усьтӥськиз. Экспозицие Бисар, Пежвай, Пежваййыл, Палым, Лужан, Ыжнюк но Выль гурт ышем гуртъёсысь арбериос, туспуктэмъёс, азьло улӥсьёслэн верам учыръёсынызы но фольклорен видеоинтервьюос пыризы.

    Музейлэсь вылтуссэ Самараысь дизайнеръёс малпазы. Вӧлметын куать экран пуктэмын, отын бырем гуртъёсын азьло улӥсьёсын видеоинтервьюосты возьмато.

    «Ми кылдытӥм выль музей институция — комьюнити-музей (татын улӥсьёслэсь музейзэс), кудӥз интыяськемын гуртын, кытын историысь материалъёсты туала амалъёсын возьмато. Музей кылдытонлы инъет коллекция ӧз луы, луиз гуртын шаплы улӥсьёслэн быръем темаен вырыны мылкыдзы», — Александр Юминов, «Ышем гуртъёслэн калык музейзы» ӵектослэн кивалтӥсез.

    Ӵектослэн кивалтӥсез пусъе, «экспозиция но лыдӟӥськонни люкетъёс, одӥгысьтыз мукетаз выжыса, артэ уло. Таӵе туала амал дуннеысь тренд луэ».

    Музей усьтӥськем дырысен отчы вить сюрслэсь трос адями вуылӥз ни.

    Устоосыныз быдэстэм ӵектосъёсын, со пӧлын Удмуртиысь Ышем гуртъёслэн музеенызы, 30-тӥ куартолэзе — 3-тӥ инвожое Москваын «Музейный гид» форумын тодматозы.

    https://udmurt.media/udm/news/obshchestvo/31126/

    Туспуктэм: https://vk.com/public131033152