Дом Дружбы народов /
  • Иворъёс
  • «Пельняньлэн дунневыл нуналыз» фестиваль вамышъя шаертӥмы
  • «Пельняньлэн дунневыл нуналыз» фестиваль вамышъя шаертӥмы

    5 февраля 2018 г.


    «Пельняньлэн мастерскоез» ӧсъёссэ усьтӥз ини покчиос понна. Шутэтскон нуналъёсы ӧтчаськиз Ижкарысь суредаськонъя музей. Удмурт суредась Вячеслав Михайлов но удмурт кылбурчи-бард Владимир Котков нылпиосын пумиськылӥзы.

    Владимир Котков но Вячеслав Михайлов — алнаш пиос. Пӧртэм мугъёсъя ёроссылэсь палэнын уло. Тазьы ӵошен одӥг ужрадын нырысьсэ пумиськизы. Дуэтсы удалтӥз, шуыны луоз, «Пельняньлэн дунневыл нуналэз» фестиваль улсын пиналъёс кырӟан-кылбур но кылзӥзы, суредаськизы но.

    Владимир Котков нылпиослы аслаз гожтэм кылбур чуръёссэ лыдӟиз. Со умой тодэ, кызьы покчиослэсь саклыксэс бордэ кыскыны.

    «Пичиосын шуг ужаны, но со бордын тунсыкез но, — шуэ кылбурчи. — Соос асьсэос туж усто фантазёръёс — чуръёс кылдыто, учыръёс сярысь верало. Со борды ӝабырскиськод ке, кылдытэм кылбуръёс пиналъёслы тунсыко потыны кутско».

    Вячеслав Михайлов покчиослы пельнянен герӟаськем суредъёс кылдытыны куриз. Одӥгъёсыз карандашен, акварелен натюрмортъёс кылдытъязы, мукетъёсыз нош, художник юрттэмъя, пельняньёс суредазы. Вячеслав Михайлов ужъёсаз удмуртъёслэн улэм-вылэмзылы бадӟым саклык висъя. Солэн пӧртэм удысъёслы суредъёсыз сяна, котькуд арберилы но сӥземъёсыз вань.

    «Мон серия малпай натюрмортъёсын, — вера Вячеслав Михайлов. — Суредам табане но вань мынам, пельняне но. Вань корт гурен картошкаен картинае. Огъя верано ке, гуртын кутӥськись вань арбериосты мон возьматӥ ни».

    Туспуктэм: https://vk.com/album-6343518_251341148