Дом Дружбы народов /
  • Иворъёс
  • Пельняньлы сӥзем фестиваль Ижын йылпумъяськиз
  • Пельняньлы сӥзем фестиваль Ижын йылпумъяськиз

    12 февраля 2018 г.


    «Удмуртия - пельняньлэн дорез». Та бренд улысын шаерамы 2015-тӥ арысен радъяське «Пельняньлэн дунневыл нуналэз» фестиваль. 10 нунал ӵоже пӧртэм интыосын ортчо пельнянь кутонъя вожвылъяськонъёс, асьме сиёнэн герӟаськем шудонъёс, адӟытонъёс. Нош бадӟым шулдыръяськон ортчиз кӧснуналэ Ижкарлэн шор площадяз.

    Сӥлен, чорыген, кубистаен, кушманэн, губиен, турын-куарен, пешникен но трос пӧртэм пушкесъёсын — турлы пельнянь веръязы Ижкарысь шор площадьын фестивале лыктэмъёс. Туэ ужрадлэн географиез паськыт вал. Фестивале кунмылэн мукет интыосысьтыз мылкыд карисьёс пыриськизы — Пермь улосысь, Татарстанысь, Дагестанысь кунос пельняньлы укшась сиёнъёссэс возьматӥзы.

    Шор площадьын сяна, шулдыръяськонъёс ортчизы Эшъяськонлы сӥзем монумент но Иж тымет дурын. Котькин быгатӥз сюлэмызъя площадка бырйыны — кин ке пельнянь сиён висказ концерт учкиз, кин ке пельнянь спорт шудонъёсы пыриськиз. Покчиос «Шудон корка» площадкаын дырзэс шулдыр ортчытӥзы.

    Пельняньлы сӥзем фестиваль Ижын йылпумъяськиз, нош ёросъёсын со потэм ужрадъёсын ар ӵоже азинтӥськоз на. 2 арзэ Эгра ёросысь Годекшурын ортче «Пельняньысен Китаёзь» фестиваль. Туэ сое ёрос центрын южтолэзе радъялозы. Нош куартолэзе Кез ёросын ортчоз «Пест-Фест» фестиваль, нош куарусёнэ та ужрад борды итӥськоз Дэбес ёрос. Отын луоз удмурт сиёнъёсъя «Зарни-Ё» фестиваль.

    http://www.myudm.ru/

    Удмурт сиёнлы сӥзем куинетӥез дунневыл праздник люказ куамын сюрслэсь трос адямиосты.