Дом Дружбы народов /
  • Иворъёс
  • «Нуныкай» центр ужан интызэ воштӥз
  • «Нуныкай» центр ужан интызэ воштӥз

    12 февраля 2018 г.


    11-тӥ тулыспалэ «Нуныкай» центр мукет интыын ужаны кутскиз. Табере покчиос анай-атайёсынызы чош Кузёбай Герд нимо гимназие люкаськылозы.

    Таяз радэ «Нуныкай» центрлэн театръя нырысетӥ дышетсконэз ортчиз. Кружокез нуись ӧнерчиен, «Шудон корка» нылпи программаез нуисен Ольга Фархутдиноваен пумиськонэ вуэм пиналъёс театр, актёрлэн быгатонлыкъёсыз сярысь вераськизы, асьсэос но шудыны тыршизы. Нош занятилэн пумаз чиньы мунёосын «Колӟо» выжыкылэз удмурт кылын пуктӥзы.

    Со сяна нылпиослы ортчытэмын вал кылэз волятонъя но крезьгуръя занятиос. Ӧнерчиослэн верамзыя, анай кылзэс нылпиоссылы пыӵатыны мылкыд карисьёслэн лыдзы йылэ. Озьы, таяз радэ 2-сен 4 аресозь 10 кузя покчиос лыктӥзы, нош 5-сен 8 аресозь — 14 кузя.

    Занятиос бере «Билингва» проектысь ӧнерчиос анай-атайёсын консультациос ортчытӥзы. Отын соос выльысь валэктӥзы на нылпиосты анай кыллы дышетонлэн кулэлыкез, 2 кыллы дышетонлэн радлыкез сярысь.

    Ватсаса: «Нуныкайлэн» занятиосаз ветлыны мылкыд карисьёслы гожтӥськыны кулэ «Нуныкай» огинлэн группаяз. Отын ик расписаниен но тодматскыны луоз.

     

    Радъясьёс: Кыккылолыкъя «Билингва» удмурт центр йӧскалык политикая министерство юрттэмен.