Дом Дружбы народов /
  • Иворъёс
  • Дэбес кибашлыос
  • Дэбес кибашлыос

    9 февраля 2018 г.


    Пулэсь но куролэсь арбериос, керттэм но гындэм ужъёс, вашкала сямен пужъятэм дӥськутъёс вуизы Дэбес черкгогуртысь Ижкарысь Чеберлыко киужъёсъя элькун центре.  Татын усьтӥськиз «Яратонэ мынам — Дэбес музъем»  нимо адӟытон.  Сӥземын со   Дэбес ёросысь Чеберлыко киужъёсъя юртлэн 25 ар тырмонэзлы.

    Адӟытонысь котькуд арбери «дэбес» шомо. Сарваоссы, куиськемзы, пулэсь вӧлэм тусьты-пуньызы гинэ но. Соос кадь писпулэсь пужызэ чакласа нокин пу вылэ уг суредаськы. Пужъятэм дӥськутсы но дэбесъёслы гинэ тупась. Вашкалазэ туж чакланы тыршо кибашлыос.

    Юртын 16 ӧръёсъя ужало. Киужъёс пӧрмытэм сяна вутто на пӧртэм ӵектосъёсы пыриськыны.  Татьяна Жуйкова «Мир без границ» проектэныз Егитъёслэн огъяросси конкурсазы 100 сюрс манет грант утӥз. Со улсын ёросысь сӧсыр егитъёсты чеберлыко киужлы дышетозы.

    «Списокмы лэсьтэмын ини, — шуэ кибашлыослэн юртэнызы кивалтӥсь Елена Бушмакина. – Егитъёс жингыртыло, юаллясько. Проектмы 2 ар ӵоже улонэ пыӵалоз. Ми нырысь ик котькудӥз доры ветлом. Тодыны кулэ, кыӵе ӧръя ужмес нуоно луоз котькудӥныз».

    http://www.myudm.ru/