Дом Дружбы народов /
  • Без рубрики
  • Александр Бречалов: Удмуртие лыктыса, пельнянь тросгес сиыны кутски
  • Александр Бречалов: Удмуртие лыктыса, пельнянь тросгес сиыны кутски

    2 февраля 2018 г.


    1-тӥ тулыспалэ Удмуртиын «Пельняньлэн дунневыл нуналэз» фестивальлы кутскон сётӥзы. Нырысетӥосыз пельнянь пӧрасьёс пӧлын вал улосвыллэн тӧроез Александр Бречалов.

    Солэн кылъёсызъя, пельнянь кутыны со пинал дырысеныз ик кутскиз ни. Выль ар азьын быдэс семьяен пӧрало вылэм. Удмуртие лыктытозь араз кык-куинь пол гинэ пельнянь сиисько вал, нош татын ужаны кутскем берам, оло, котькуд арня, серекъяса вераз Удмуртилэн тӧроез.

    «Али тросгес кутски ни пельнянь сиыны азьло кулэ ӧй вал лыдӟыны, малы ке шуоно со араз 2–3 пол гинэ луэ вал. Кухня мыным кельше. Спортэн выремме лыдэ басьтыса, татын калорийёс тырмымт луо, — шуиз Александр Бречалов.

    Котькуд ар фестивалез аспӧртэмлыко радъяны но куноосты маин ке но паймытыны тыршо. Туэ ужрад конструкторлы пӧрмиз, ивортӥз Удмуртиысь йӧскалык политикая министр Лариса Буранова. Туннэ фестиваль сиён но пельнянь сярысь гинэ ӧвӧл ни, со Удмуртиысь вань тунсыкозэ, ческытсэ но шаплызэ огазеяз.

    «Мыным туж кельше, ми доры пӧртэм темаос ватсаськизы шуыса. Кылсярысь, тазалык тема. Тӥ тодӥськоды «Платформаен» ми «Пельнянь диета» радъяськом шуыса. Нылпиослы вӧлметъёс ватсаськизы. Вань милям фестивальын мерлыко площадка, тазалыксыя аспӧртэмлыко пиналъёслы ми площадка лэсьтӥськом», — вераз Лариса Буранова.

    Тодэ вайытом, «Пельняньлэн дунневыл нуналэз» фестиваль Удмуртиын 1–10 тулыспалэ ортчоз. Та нуналъёсы Ижкарын пӧртэм ӧръёсъя «Пельнянь мастерскойёс» радъяськозы. Ужрадлэн йылпумъян нуналаз Шор площадьын куинь вӧлмет ужалоз, отын пельнянен герӟаськем «Тау» музей усьтӥськоз но «Удмурт шумовка» кубок понна вожвылъяськон ортчоз.

    https://udmurt.media/udm/news/kultura-i-turizm/31098/

    Туспуктэм: http://www.udmurt.ru/